Spine ...

Estratto da "A spasso co le rose" di Berto Barbarani
(raccolta "Le Montebaldine", composta tra il 1897 e il 1900)

- Rosa de bosco, frastornà de spine,

qualche vecio dolor ti te me scondi,

ma se la verità te me rispondi,

cissà, che el to dolor no 'l g'abia fine ...

Ci è stà a piantarte sta mucia de spine?

- Guàrdelo là! ... Con tuto el so talento,

me maraveio che così el discora:

le rose g'ha le spine par de fora,

i omeni ghe ià tute de drento ...

Guàrdelo là con tuto el so talento!